కష్టాల్లో 475 కస్తూర్భా గాంధీ బాలికల స్కూళ్లు
దిశ, తెలంగాణ బ్యూరో: రాష్ట్రంలోని కస్తూర్భా గాంధీ విద్యాలయాలను అప్పులతో నెట్టుకు రావాల్సి వస్తున్నదని తెలంగాణ ఐక్య ఉపాధ్యాయ ఫెడరేషన్మంగళవారం ఓ ప్రకటనలో పేర్కొన్నది. ఈ సందర్భంగా ఆ సంఘం ప్రధాన కార్యదర్శి చావా రవి మాట్లాడుతూ.. ఆరు నెలలుగా బడ్జెట్విడుదల కాకపోవడంతో తమ వేతనాల నుంచే హాస్టల్నిర్వహించాల్సి వస్తున్నదన్నారు. స్థానికంగానూ అప్పులు చేసి మరీ నెట్టుకొస్తున్నామని ఆవేదన వ్యక్తం చేశారు. సరైన సౌకర్యాలు లేకపోవడంతో విద్యార్థులతో పాటు స్టాఫ్ కూడా మానసిక ఒత్తిడిలో ఉన్నట్లు స్పస్టం చేశారు. మరోవైపు స్వల్ప సంఘటనలకు కూడా ఎస్ ఓ(స్పెషల్ ఆఫీసర్)ను బాధ్యులుగా చేసి విధుల నుంచి తొలగిస్తున్నారని ఆరోపించారు. నిర్ధోషిగా తేలినప్పటికీ ఆత్మగౌరవం దెబ్బతినేలా ఉన్నతాధికారులు అసభ్యంగా మాట్లాడుతున్నారన్నారు. ఈ స్కూళ్లు బాగుపడాలంటే వెంటనే విద్యార్థినుల మెస్ఛార్జీలను ప్రస్తుత ధరలకు అనుగుణంగా పెంచాలన్నారు. ఇంటర్విద్యార్థినులకు అదనంగా ఫర్క్యాపిటా నిర్ణయించాలన్నారు. కాస్మోటిక్చార్జీలు, హాస్టళ్ల మెయింటెనెన్స్కోసం కనీసం ఒక్కో దానికి రూ.50 వేలు చొప్పున మంజూరు చేయాలన్నారు. ఏప్రిల్నుంచి పెండింగ్‌లో ఉన్న మెస్బిల్లులన్నింటినీ వెంటనే మంజూరు చేయాలన్నారు. హాస్టళ్లలో కేర్టేకర్‌లను నియమించాలన్నారు. స్పెషల్ ఆఫీసర్లను ప్రిన్సిపాళ్లుగా మార్చాలన్నారు.
