AP - TG: తెలుగు రాష్ట్రాల విభజన సమస్యలపై ఫోకస్.. ఢిల్లీలో కీలక చర్చలు

దిశ, డైనమిక్ బ్యూరో: (AP -Telangana) విభజన సమస్యలపై రెండు తెలుగు రాష్ట్రాలు దృష్టి కేంద్రీకరించాయి. సోమవారం ఢిల్లీలో (Union Home Ministry) కేంద్ర హోంశాఖ కార్యదర్శి ఆధ్వర్యంలో కీలక సమావేశం నిర్వహించారు. కేంద్ర హోంశాఖ కార్యాలయంలోనే ఈ భేటీ నిర్వహించారు. (AP-Telangana bifurcation issues) విభజన అంశాలపై ఇరు రాష్ట్రాల ప్రధాన కార్యదర్శులు, ఇతర అధికారులు ఈ భేటీలో హాజరయ్యారని తెలిసింది. ఇరు రాష్ట్రాల మధ్య ఇంకా పరిష్కారం కాని ప్రధాన అంశాలపై చర్చిస్తున్నట్లు సమాచారం. విభజన చట్టం ప్రకారం కేంద్రం నుంచి రావాల్సిన నిధులు, ప్రాజెక్టుల అంశాలపై చర్చలు జరుగుతున్నట్లు సమాచారం.