భార్యతో గొడవ పడ్డ భర్త.. చివరికి ఏమైంది..?

దిశ, మేడిపల్లి: వ్యక్తి అదృశ్యమైన సంఘటన మేడిపల్లి పోలీస్ స్టేషన్ పరిధిలో జరిగింది. పోలీసులు తెలిపిన వివరాల ప్రకారం.. బోడుప్పల్ నవోదయ కాలనిలో జాటావత్ గోపాల్ (39), తన భార్య జాటావత్ సుగుణ ఇద్దరు పిల్లలతో నివాసం ఉంటున్నాడు. అయితే గోపాల్ ఈ నెల 11 నుంచి కనిపించడం లేదని భార్య ఫిర్యాదు చేసింది. తన భర్త అప్పుడప్పుడు మద్యం సేవించి తనతో గొడవపడి ఇంట్లో నుండి వెళ్ళిపోతాడని,రెండు, మూడు రోజుల తరువాత తిరిగి ఇంటికి వచ్చేవాడని పేర్కొంది. కానీ ఈ సారి వెళ్లి ఇన్ని రోజులు గడిచిన తిరిగి రాలేదని, బంధువులు, స్నేహితులను ఆడిగిన ఆచూకీ లభించలేదని వాపోయింది. అలాగే కేసు నమోదు చేసి.. విచారణ చేస్తున్నామని,ఎవరికైన సమాచారం తెలిసినచో మేడిపల్లి పోలీస్ స్టేషనలో సమాచారం ఇవ్వాలని సీఐ గోవింద రెడ్డి తెలిపారు.