MLA Marri Rajasekhar Reddy : రాజీవ్ వీకర్ సెక్షన్ కాలనీలో పాముల బెడద...

దిశ, అల్వాల్ : చెరువును ఆనుకొని ఉన్న రాజీవ్ వీకర్ సెక్షన్ కాలనీలో నిత్యం పాముల బెడదను ఎదర్కొంటు భయం భయంగా బ్రతుకుతున్నామని ఆవేదన వ్యక్తం చేశారు. ఈ మేరకు బుధవారం మాజీ ఎంబీసీ చైర్మన్ నందికంటి శ్రీధర్ ఆధ్వర్యంలో ఎమ్మెల్యే మర్రి రాజశేఖర్ రెడ్డిని కలిసి తమ ఇబ్బందులను వివరించారు. చెరువుకు దగ్గర ఉండడంతో పాటు ఇండ్లను ఆనుకొని ఏపుగా పెరిగిన చెట్ల పొదలు ఉండడంతో ఏ క్షణాన ఏ పాములు, పురుగులు వస్తాయో అని కంటికి కునుకు లేకుండా రాత్రులు గడపవలసి వస్తుందని ఆవేదన వెలిబుచ్చారు. అనంతరం ఎమ్మెల్యే మాట్లాడుతూ మున్సిపల్ అధికారులతో మాట్లాడి తగిన చర్యలు తీసుకుంటామని కాలనీవాసులకు భరోసా కల్పించారు. ఈ కార్యక్రమంలో రహమత్ ఖాన్, గౌస్ ఖాన్, సయ్యద్ ఆరిఫ్ పాల్గొన్నారు.