పోచారం ప్రాజెక్టులో పడి యువకుడు మృతి..

దిశ, మెదక్ టౌన్: ప్రమాదవశాత్తు పోచారం ప్రాజెక్టులో పడి యువకుడు మృతి చెందిన ఘటన హవేలీ ఘనపూర్ మండల పరిధిలో చోటు చేసుకుంది. పోలీసులు తెలిపిన వివరాల ప్రకారం.. హవేలీ ఘనపూర్ మండల కేంద్రానికి చెందిన సాయి భరత్ (24), శనివారం సాయంత్రం పోచారం ప్రాజెక్టు సందర్శన కోసం వెళ్ళాడు. అక్కడ ప్రమాదవశాత్తు నీటిలో పడి మునిగిపోయాడు.

స్థానికులు కాపాడే ప్రయత్నం చేసినా సాధ్యం కాలేదు. సమాచారం అందుకున్న పోలీసులు కుటుంబీకులు సాయంత్రం వరకు గాలించిన మృతదేహం లభ్యం కాలేదు. ఆదివారం ఉదయం నుంచి గాలించగా మధ్యాహ్నం మృతదేహం లభ్యమయింది. ఈ మేరకు పోలీసులు కేసు నమోదు చేసుకొని దర్యాప్తు చేస్తున్నారు.