తిమ్మాపూర్‌లో యువకుడు దారుణ హత్య..

దిశ, దుబ్బాక: యువకుడు దారుణంగా హత్యకు గురైన ఘటన ఘటన దుబ్బాక మండలం తిమ్మాపూర్ గ్రామంలో మంగళవారం తెల్లవారుజామున చోటుచేసుకుంది. స్థానికులు తెలిపిన వివరాల ప్రకారం.. దుబ్బాక మండలం తిమ్మాపూర్ గ్రామానికి చెందిన ఎలిగే రమేష్ (27) అనే వ్వక్తిని వృత్తిరీత్యా ఎలక్ట్రిషన్ వర్క్ చేస్తుండేవాడని తెలిపారు. అనుమానస్పదంగా అదే గ్రామానికి చెందిన ఎలిగే రాజు అనే వ్యక్తి తిమ్మాపూర్ పెద్ద చెరువు కట్టపై హత్య చేసినట్లు తెలిపారు. సమాచారం అందుకున్న పోలీసులు సిద్దిపేట ఎసీపీ రవీందర్ రెడ్డి సంఘటనా స్థలానికి చేరుకుని మృతదేహాన్ని పరిశీలించారు. హత్యకు గల కారణాలు ఏమిటన్న కోణంలో పోలీసులు దర్యాప్తు చేపట్టారు. ఈ ఘటనతో గ్రామంలో కలకలం చెలరేగింది. మృతదేహాన్ని పోస్టుమార్టం నిమిత్తం దుబ్బాక ప్రభుత్వ ఏరియా ఆసుపత్రికి తరలించారు.