పేదవాళ్ళ సొంతింటి కలను నెరవేరుస్తున్న "ఇందిరమ్మ ఇంటి పథకం"

దిశ, సంగారెడ్డి : రాష్ట్రంలో ప్రతీ పేదవాడి చిరకాల వాంఛ అయిన సొంతింటి కల కాంగ్రెస్ ప్రభుత్వం చేపట్టిన ఇందిరమ్మ ఇళ్ల పథకం ద్వారా నెరవేరుతుందని టీజిఐఐసి చైర్ పర్సన్ నిర్మలా జగ్గారెడ్డి అన్నారు. బుధవారం సంగారెడ్డి మున్సిపాలిటీ 29 వ వార్డులో ఇందిరమ్మ ఇంటి గృహ ప్రవేశం లో ఆమె పాల్గొన్నారు. ఈ సందర్భంగా ఆమె మాట్లాడుతూ.. ఇందిరమ్మ ఇళ్ల లబ్ధిదారుల ముఖాల్లో ఆనందం చూస్తే కడుపు నిండి పోతుందన్నారు. రాష్ట్ర ప్రభుత్వం చేపట్టిన ఈ ప్రతిష్టాత్మక పథకం ద్వారా లక్షల మంది లబ్ధిదారులు సొంతింటి కలను నెరవేర్చుకున్నారన్నారు. ఇంకా ఇందిర్మమ ఇంటి పథకానికి దరఖాస్తు చేసుకోని లబ్ధిదారులు ఎవరైనా ఉంటే వెంటనే దరఖాస్తు చేసుకోవాలని కోరారు. ఈ కార్యక్రమంలో మున్సిపల్ చైర్మన్ కూన వనితా సంతోష్, పట్టణ అధ్యక్షుడు కిరణ్ గౌడ్, నాయకులు కూన సంతోష్, కౌన్సిలర్ సంగీతా మహేష్ తదితరులు పాల్గొన్నారు.