మాన‌వ‌త్వం చాటుకున్న ఎంపీ కొత్త ప్రభాకర్ రెడ్డి

దిశ, దుబ్బాక: మెదక్ పార్లమెంటు సభ్యులు కొత్త ప్రభాకర్ రెడ్డి మరోసారి మాన‌వత్వం చాటుకున్నారు. వివరాల్లోకి వెలితే..ఎంపీ కొత్త ప్రభాకర్ రెడ్డి హైద‌రాబాద్ నుంచి దుబ్బాకకి వస్తున్న మార్గమధ్యంలో ఓ కారు అదుపుత‌ప్పి బోల్తా కొట్టింది. ఈ ప్రమాదాన్ని చూసిన ఎంపీ కారు ఆపి, క్షత‌గాత్రుల వ‌ద్దకు వెళ్లారు. ప్రమాదం జ‌రిగిన తీరును అడిగి తెలుసుకున్నారు. వారిలో మ‌నోధైర్యం నింపారు. అనంత‌రం క్షత‌గాత్రుల‌ను ద‌గ్గరుండి ద‌వాఖాన‌కు పంపించారు. వారికి మెరుగైన వైద్యం అందేలా చూడాల‌ని అధికారుల‌ను ఆదేశించారు.