గురుకుల విద్యార్థి అదృశ్యం

దిశ, నారాయణఖేడ్: గురుకుల విద్యార్థి అదృశ్యమైన ఘటన నారాయణఖేడ్ మండలం జూకల్ శివారులోని తెలంగాణ గిరిజన సంక్షేమ గురుకుల పాఠశాలలో శుక్రవారం చోటుచేసుకుంది. వివరాల్లోకి వెళితే.. పాఠశాలలో తొమ్మిదో తరగతి చదువుతున్న ఎలుకరి రమేష్ (17) విద్యార్థి శుక్రవారం మధ్యాహ్నం 3 గంటలకు అదృశ్యమయ్యాడు. విషయం తెలుసుకున్న ప్రిన్సిపాల్ విజయ్ కుమార్ శనివారం సమీప పోలీస్ స్టేషన్ లో ఫిర్యాదు చేశారు. ఈ సందర్భంగా ప్రిన్సిపాల్ మాట్లాడుతూ న్యాల్కల్ మండలం గుంజేటి గ్రామానికి చెందిన ఎలుకరి రమేష్ తండ్రి తుకారం గురుకులలో తొమ్మిదో తరగతి చదువుతున్నాడు. శుక్రవారం మధ్యాహ్నం మూడు గంటల సమయంలో విద్యార్థులకు, ఉపాధ్యాయులకు ఎవరికీ సమాచారం ఇవ్వకుండా పాఠశాల నుంచి వెళ్లిపోయాడని తెలిపారు.