ఛల్.. మోహనరంగ..

తాత ముందు కుర్రకారు బేజారే..

దిశ, మిరుదొడ్డి: భానుడు తన ప్రతాపాన్ని చూపుతున్నా.. 65 ఏళ్లకు పైబడిన ఓ తాత ఇరవై ఏళ్ల కుర్రాడిలా చల్లని పుల్లైసు నోట్లో పెట్టుకుని సైకిల్ మీద సవారీ చేస్తున్నాడు. అలుపన్నదే లేకుండా యువతరానికి సవాలు విసురుతూ.. విన్యాసాలు చేస్తున్న తాతను 'దిశ' తన కెమెరాలో బంధించింది. ఈ ఎర్రటి ఎండాకాలంలో కూడా ఏసీలు, కూలర్లు అంటూ ఇంట్లో సేదదీరుతున్న కుర్రకారు బయటకు వెళ్లాలంటేనే జంకుతున్నారు. ఈ నేపథ్యంలో ఇంత వయసొచ్చినా.. తాత ఫీట్ చూసి జనాలు ఆయనను అభినందిస్తున్నారు.