బండమీదిపల్లిలో ఒంటె పిల్ల సంచారం

దిశ, వెల్దుర్తి : మండల పరిధిలోని బండమీదిపల్లి గ్రామ శివారులో తప్పిపోయి వచ్చిన ఒంటెపిల్లను గ్రామస్థులు పట్టుకున్న ఘటన శనివారం సాయంత్రం చోటుచేసుకుంది. శివ్వంపేట మండలం పోతులబోగుడా పంబండ శివారులో పొలాల్లోని అటవీ ప్రాంతంలో శుక్రవారం నుంచి వచ్చిన ఓ ఒంటె పిల్ల గ్రామంలో సంచరిస్తుందని గ్రమస్థులు తెలిపారు. ఒంటె మెడలో గంట తాడు కట్టి ఉన్నాయని, దాని కోసం గ్రామస్థులు తినేందుకు పచ్చి గడ్డి, తాగేందుకు మంచి నీరు ఏర్పాటు చేశారు. చివరకు గ్రామస్థులు ఆ ఒంటె పిల్లను ఏం చేయలో తెలియక సతమతమవుతున్నారు. ఈ విషయంలో అటవీ శాఖ అధికారులు స్పందించి ఒంటె పిల్లను స్వాధీనం చేసుకోవాలని గ్రామస్థలు వేడుకుంటున్నారు.