ఎన్ కౌంటర్‌లో మావోయిస్టు హతం

దిశ, తెలంగాణ క్రైం బ్యూరో: భద్రాద్రి కొత్తగూడెం జిల్లాలో జరిగిన ఎన్ కౌంటర్‌లో ఓ మావోయిస్టు మరణించాడు. తెలంగాణ-ఛత్తీస్ ఘడ్ సరిహద్దుల్లోని చర్ల మండలం పుట్టపాడు అటవీ ప్రాంతంలో తెలంగాణ గ్రే హౌండ్స్ పోలీసులు కూంబింగ్ నిర్వహిస్తుండగా మావోయిస్టులు ఎదురుపడ్డారు. పోలీసులను చూడగానే మావోయిస్టులు కాల్పులు ప్రారంభించారు. దాంతో పోలీసులు జరిపిన కాల్పుల్లో ఓ మావోయిస్టు చనిపోయాడు. కాగా, మిగిలిన మావోయిస్టులు కాల్పులు జరుపుతూ అడవిలోకి పారిపోయారు. సంఘటనా స్థలం నుంచి ఒక ఎస్ఎల్ఆర్ గన్‌ను స్వాధీనం చేసుకున్నారు.