ఘనంగా మహాత్మా గాంధీ జాతీయ గ్రామీణ ఉపాధి హామీ పథకం ఆవిర్భావ దినోత్సవం : కేక్ కట్చేసిన మంత్రి సీతక్క
జాతీయ గ్రామీణ ఉపాధి హామీ పథకం ఆవిర్భావ దినోత్సవం సందర్భంగా పంచాయతీరాజ్, గ్రామీణ అభివృద్ధి శాఖ మంత్రి సీతక్క నివాసంలో కేక్ కట్ చేశారు.
దిశ, తెలంగాణ బ్యూరో: జాతీయ గ్రామీణ ఉపాధి హామీ పథకం ఆవిర్భావ దినోత్సవం సందర్భంగా పంచాయతీరాజ్, గ్రామీణ అభివృద్ధి శాఖ మంత్రి సీతక్క నివాసంలో కేక్కట్చేశారు. ఉపాధి హామీ ఉద్యోగుల జేఏసీ సంఘం పుష్పగుచ్చం ఇచ్చి, శాలువాతో సన్మానించారు. ఉపాధి హామీ చట్టం ఏర్పడి 20 సంవత్సరాలు పూర్తి అయ్యింది. ఈ సందర్భంగా మంత్రి సీతక్క కేక్ కట్ చేసి శుభాకాంక్షలు తెలిపారు. ఈ సందర్భంగా మంత్రి సీతక్క మాట్లాడుతూ ఉపాధి హామీ ఉద్యోగుల సమస్యలను ఒకటి తర్వాత ఒకటి పరిష్కరిస్తామని హామీ ఇచ్చారు. ఎస్ఆర్ డీఎస్ బోర్డు లో జరిగిన అంశాలను, నాన్ ఫైనాన్షియల్ ఇష్యులను త్వరగా క్లియర్ చేస్తానని హామీ ఇచ్చారు. దీనికి రాష్ట్ర జేఏసీ సంఘం మంత్రి కి కృతజ్ఞతలు తెలిపారు. ఈ కార్యక్రమంలో రాష్ట్ర జేఏసీ చైర్మన్ ఎలబద్రి లింగయ్య, కో చైర్మన్లు అంజిరెడ్డి, మురహరి విజయ్ కుమార్, వెంకటరామిరెడ్డి, మోహన్ రావు, తంగెళ్ళ రఘు, రామక్రిష్ణ, గురు చరణ్ సింగ్ తదితరులు పాల్గొన్నారు.
