యువ‌త‌కు ఆదాయ వ‌న‌రులు సృష్టించ‌డ‌మే ల‌క్ష్యం : మంత్రి వాకిటి శ్రీహ‌రి

దిశ, జడ్చర్ల : బాలానగర్ మండలంలోని మొదంపల్లి గ్రామంలో నూతనంగా ఏర్పాటు చేసిన బయోఫ్లోక్ ఫిష్ ట్యాంక్స్ ను రాష్ట్ర మత్స్య, క్రీడల శాఖ మంత్రి వాకిటి శ్రీహరి, జడ్చర్ల ఎమ్మెల్యే జనంపల్లి అనిరుధ్ రెడ్డి ముఖ్య అతిథులుగా హాజరై ప్రారంభించారు. ఈ సంద‌ర్భంగా వారు మాట్లాడుతూ జడ్చర్ల నియోజకవర్గంలో ఆధునిక వ్యవసాయ , అనుబంధ రంగాల అభివృద్ధికి ప్రభుత్వం కట్టుబడి ఉందన్నారు. బయోఫ్లోక్ ఫిష్ కల్చర్ వంటి కొత్త సాంకేతికతలను గ్రామీణ ప్రాంతాలకు తీసుకువచ్చి, యువతకు ఆదాయ వనరులు సృష్టించడం తమ లక్ష్యమని తెలిపారు. మోదంపల్లి గ్రామంలో ప్రారంభమైన ఈ ప్రాజెక్ట్ ఇతర గ్రామాలకు ఆదర్శంగా నిలుస్తుందని చెప్పారు. ఈ కార్యక్రమంలో జడ్చర్ల మున్సిపల్ చెర్మన్ కోనేటి పుష్పలత, కౌన్సిలర్స్ చైతన్య చౌహన్, కుమ్మరి రాజు, మండల కాంగ్రెస్ నాయకులు ఆదినారాయణ రెడ్డి, గ్రామసర్పంచ్, శివ, పద్మనాబి రెడ్డి, పాల్గొన్నారు.