రాజోలిలో ఉత్సాహంగా పొట్టేళ్ల పందెం..

దిశ, రాజోలి: రాజోలి మండల కేంద్రంలోని శ్రీ అడివేశ్వర స్వామి బ్రహ్మోత్సవాల్లో భాగంగా శనివారం అంతరాష్ట్ర పొట్టేళ్ల పందెం పోటీలు హోరాహోరీగా జరిగాయి. పలుగ్రామాల నుంచి పొట్టేళ్లు పందెంలో పాల్గొనేందుకు తీసుకొచ్చారు. ఈ పోటీలను తిలకించేందుకు ప్రజలు పెద్దఎత్తున తరలివచ్చారు. పోటీలకు వచ్చిన పొట్టేళ్లను ఒకదానిపైకి మరొకటి ఉసిగొలిపి తలపడేలా చేస్తారు.

ఈ పోటీలో గెలుపొందిన పొట్టేళ్లకు బహుమతులు అందజేస్తారు. ఈ పోటీల్లో ప్రథమ బహుమతి చెరుకుచెర్ల వంశీకి చెందిన పొట్టేలు రూ.10 వేలు, ద్వితీయ బహుమతి జూలేకల్ భాషాకు చెందిన పొట్టేలు రూ.7వేలు, తృతీయ బహుమతి పూలతోట సాగర్ కు చెందిన పొట్టేలు రూ. 4వేలు ఆలయ కమిటీ నగదు బహుమతులను అందజేశారు.