అనస్తీషియన్లది కీలక పాత్ర : సూపరింటెండెంట్ డాక్టర్ ఉషారాణి

దిశ, కందనూల్ : వైద్య రంగంలో అత్యంత క్లిష్టమైన, బాధ్యతాయుతమైన వృత్తి అనస్తీషియా అని నాగర్ కర్నూల్ జిల్లా ప్రభుత్వ జనరల్ హాస్పిటల్ సూపరింటెండెంట్ డాక్టర్ ఉషారాణి అన్నారు. అనస్తీషియా దినోత్సవాన్ని పురస్కరించుకుని గురువారం జిల్లా ప్రభుత్వ ఆసుపత్రిలో ప్రత్యేక కార్యక్రమం నిర్వహించారు. ఈ సందర్భంగా డాక్టర్ ఉషారాణి మాట్లాడుతూ శస్త్రచికిత్సల సమయంలో రోగి ప్రాణాలను కాపాడడంలో అనస్తీషియా వైద్యులు కీలక పాత్ర పోషిస్తారని అన్నారు. ఈ కార్యక్రమంలో డిప్యూటీ సూపరింటెండెంట్ డాక్టర్ చంద్రశేఖర్, వైద్య కళాశాల ప్రిన్సిపాల్ డాక్టర్ రమాదేవి, వైస్ ప్రిన్సిపాల్ డాక్టర్ సుగుణ, అనస్తీషియా విభాగాధిపతి డాక్టర్ ధీరజ్, ప్రొఫెసర్ డాక్టర్ కరుణ భారతి, అనస్తీషియా విభాగంలోని వైద్యులు, సిబ్బంది పాల్గొన్నారు.