HYD: సచివాలయంలో షాకింగ్ ఘటన.. ఉన్నట్టుండి కుప్పకూలిన మధుయాష్కీ గౌడ్

దిశ, వెబ్‌డెస్క్: హైదరాబాద్‌(Hyderabad)లోని డాక్టర్ బీఆర్ అంబేద్కర్ సచివాలయం(Telangana Secretariat)లో షాకింగ్ ఘటన చోటుచేసుకుంది. కాంగ్రెస్ సీనియర్ నేత, మాజీ ఎంపీ మధుయాష్కీ(Madhuyashki Goud) గౌడ్ స్పృహతప్పి పడిపోయారు. మంత్రి శ్రీధర్ బాబును కలవడానికి వెళ్తుండగా ఈ ఘటన చోటుచేసుకుంది. వెంటనే స్పందించిన సచివాలయ సిబ్బంది, ఆయన వెంట ఉన్న కాంగ్రెస్ నేతలు హుటాహుటిన దగ్గర్లోని ఆసుపత్రికి తరలించారు. పరీక్షించిన వైద్యులు ప్రస్తుతం ఆయన ఆరోగ్య పరిస్థితి నిలకడగా ఉందని తెలిపారు. పూర్తి వివరాలు తెలియాల్సి ఉంది.