బీసీ బిల్లు కోసం ఢిల్లీలో తాడోపేడో తేల్చుకుందాం.. వీహెచ్ కీలక వ్యాఖ్యలు
బీసీలకు 42 రిజర్వేషన్ల బిల్లుపై ఢిల్లీలోనే తాడోపేడో తేల్చుకుందామని బీసీ సంఘాలకు కాంగ్రెస్ సీనియర్ నేత, మాజీ ఎంపీ వి. హనుమంత్ రావు పిలుపునిచ్చారు.
దిశ, వెబ్డెస్క్: బీసీలకు 42 రిజర్వేషన్ల బిల్లుపై ఢిల్లీలోనే తాడోపేడో తేల్చుకుందామని బీసీ సంఘాలకు కాంగ్రెస్ సీనియర్ నేత, మాజీ ఎంపీ వి. హనుమంత్ రావు పిలుపునిచ్చారు. ఈ రోజు గాంధీ భవన్లో ఆయన మీడియాతో మాట్లాడుతూ.. రాబోయే పార్లమెంట్ సమావేశాల్లో బీసీ బిల్లును రాజ్యాంగంలోని 9వ షెడ్యూల్లో చేర్చే విధంగా రాహుల్ గాంధీ చొరవ తీసుకోవాలని విజ్ఞప్తి చేశారు. ఇప్పటికే ఈ విషయంలో ఏఐసీసీ అధ్యక్షుడు మల్లికార్జున్ ఖర్గే, కేసీ వేణుగోపాల్, రాహుల్ గాంధీలకు లేఖ రాశానని తెలిపారు. బీసీ బిల్లు అమలు కోసం బీసీ సంఘాల ఆధ్వర్యంలో త్వరలోనే ‘ఛలో ఢిల్లీ’ కార్యక్రమాన్ని నిర్వహించబోతున్నామని పేర్కొన్నారు. రాష్ట్రంలోని ఓబీసీలకు మేలు జరగాలంటే ఈ కార్యక్రమానికి అన్ని పార్టీల బీసీ సంఘాలు హాజరు కావాలన్నారు. బీసీ బిల్లు కోసం ఢిల్లీలో ఇక తాడోపేడో తేల్చుకుంటామని అన్నారు. ఢిల్లీలో ఎయిర్ పొల్యూషన్పై పార్లమెంట్లో చర్చించేందుకు ప్రతిపాదన చేయడం రాహుల్ గాంధీ చేసినట్టు తెలిపి, దాన్ని అభినందనీయమని వీహెచ్ కొనియాడారు.
