HYD: ఉస్మానియా మార్చురీ వద్ద కేటీఆర్
శంషాబాద్ ఔటర్ రింగ్ రోడ్డు (ORR)పై జరిగిన ఘోర రోడ్డు ప్రమాదం తీవ్ర విషాదాన్ని నింపింది. ఈ ప్రమాదంలో ప్రాణాలు కోల్పోయిన మృతులకు నివాళులర్పించేందుకు బీఆర్ఎస్ వర్కింగ్ ప్రెసిడెంట్ కేటీఆర్ శనివారం ఉస్మానియా ఆసుపత్రి మార్చురీని సందర్శించారు.
దిశ, వెబ్డెస్క్: శంషాబాద్ ఔటర్ రింగ్ రోడ్డు (ORR)పై జరిగిన ఘోర రోడ్డు ప్రమాదం తీవ్ర విషాదాన్ని నింపింది. ఈ ప్రమాదంలో ప్రాణాలు కోల్పోయిన మృతులకు నివాళులర్పించేందుకు బీఆర్ఎస్ వర్కింగ్ ప్రెసిడెంట్ కేటీఆర్ శనివారం ఉస్మానియా ఆసుపత్రి మార్చురీని సందర్శించారు. మార్చురీలో ఉన్న మృతుల భౌతికకాయాలను సందర్శించి అంజలి ఘటించారు. అనంతరం అక్కడ ఉన్న మృతుల కుటుంబ సభ్యులను కలిసి వారిని ఓదార్చారు. పుట్టెడు దుఃఖంలో ఉన్న కుటుంబీకులతో మాట్లాడి, వారికి ధైర్యం చెప్పారు. పార్టీ పరంగానూ, వ్యక్తిగతంగానూ బాధిత కుటుంబాలకు అండగా ఉంటామని ఈ సందర్భంగా ఆయన హామీ ఇచ్చారు.
ఘటన నేపథ్యం..
శంషాబాద్ ఓఆర్ఆర్పై జరిగిన ఈ ప్రమాదంలో ఒకే కుటుంబానికి చెందిన ఆరుగురు మరణించిన విషయం తెలిసిందే. అతివేగం లేదా సాంకేతిక లోపం కారణంగానే ఈ ప్రమాదం జరిగి ఉండొచ్చని ప్రాథమికంగా భావిస్తున్నారు. ఈ ఘటనపై కేటీఆర్ దిగ్భ్రాంతి వ్యక్తం చేస్తూ, మృతుల ఆత్మకు శాంతి చేకూరాలని ప్రార్థించారు. ఈ పర్యటనలో కేటీఆర్తో పాటు పలువురు బీఆర్ఎస్ నేతలు, కార్యకర్తలు పాల్గొన్నారు.
