కోమటిరెడ్డి వ్యాఖ్యలను వక్రీకరించారు: జగ్గారెడ్డి

దిశ, వెబ్‌డెస్క్: ఎంపీ కోమటిరెడ్డి హంగ్ కామెంట్స్ ఇటీవల రాష్ట్రంలో రాజకీయ దుమారం రేపిన సంగతి తెలిసిందే. అయితే తాజాగా ఈ అంశంపై స్పందించిన సంగారెడ్డి ఎమ్మెల్యే కోమటిరెడ్డి వ్యాఖ్యలను వక్రీకరించారన్నారు. థాక్రేతో జగ్గారెడ్డి, రాంరెడ్డి దామోదర్ రెడ్డి, మహేశ్వర్ రెడ్డి గురువారం సమావేశమయ్యారు.

ఈ సందర్భంగా జగ్గారెడ్డి మాట్లాడుతూ.. కోమటిరెడ్డి చెప్పిందొకటైతే అర్థం చేసుకున్నది మరొకటని అన్నారు. కాంగ్రెస్ బలం, బలహీనతలను థాక్రేకు వివరించానన్నారు. పార్టీ అంతర్గత విషయాల గురించి మాట్లాడేందుకు జగ్గారెడ్డి నిరాకరించారు. రానున్న ఎన్నికల్లో అనుసరించాల్సిన వ్యుహాలపై ప్రధానంగా ఈ భేటీలో చర్చించినట్లు సమాచారం.