త‌న‌కు ఎలాంటి సర్జరీ జరగలేదు.. అమితాబ్ బచ్చన్ క్లారిటీ

దిశ‌, వెబ్ డెస్క్: బాలీవుడ్ సీనియర్ నటుడు అమితాబ్ బచ్చన్ గురించి గత రెండు రోజులుగా అనేక రకాల వార్తలు వస్తున్నాయి. ఆయన ఆరోగ్యంగా లేడని.. సర్జరీ చేయించుకున్నాడని కూడా ప్రచారం చేశారు. అయితే ఈ పుకార్లపై తాజాగా స్వయంగా అమితాబ్ బచ్చన్ క్లారిటీ ఇచ్చారు. తనకు ఎలాంటి సర్జరీ జరగలేదని స్పష్టం చేశారు. తన ఆరోగ్యం బాగానే ఉందని వెల్లడించారు. ఇటీవల తాను రాసిన బ్లాగ్ పోస్టుకు తన ఆరోగ్యానికి సంబంధం లేదని ఓ ఇంటర్వ్యూలో వివరణ ఇచ్చారు.

ఫిఫా వరల్డ్ కప్ లో మెస్సీని ఉద్దేశించి ఆ పోస్ట్ చేసినట్లు స్పష్టం చేశారు. దీంతో అమితాబ్ బచ్చన్ అభిమానులు ఊపిరి పీల్చుకున్నారు. ఇది ఇలా ఉండగా సర్జరీ తర్వాత ఇంటికి వెళ్తుండటం.. మానసికంగా శారీరకంగా కష్టంగా ఉంటుంది అని అమితాబ్ అంతకుముందు ఓ పోస్ట్ పెట్టారు. ఛాంపియన్ కు ఏదో ఒక రోజు ఓటమి ఎదురవుతుందని పేర్కొన్నారు. దీంతో ఆయన చేసిన పోస్టు హెల్త్ గురించేనని వార్తలు వచ్చాయి. దీంతో సర్జరీ జరిగినట్లు జోరుగా ప్రచారం సాగింది. దీంతో ఆ పుకార్ల‌పై అమితాబ్ క్లారిటీ ఇచ్చారు.