కడుపు నొప్పి భరించలేక యువకుడు ఆత్మహత్య

దిశ ప్రతినిధి, కొత్తగూడెం: కడుపు నొప్పి భరించలేక యువకుడు ఉరి వేసుకొని ఆత్మహత్యకు పాల్పడిన సంఘటన కొత్తగూడెం 2 టౌన్ పరిధిలోని రామవరం లో బుధవారం చోటుచేసుకుంది. రామవరం నాగయ్య గడ్డ బస్తీకి చెందిన రాజు కుమారుడు సూరజ్ కొత్తగూడెం లోని బేకరీ లో రోజువారీ కూలి గా పని చేస్తున్నాడు. కడుపునొప్పి ఎక్కువ కావడంతో ఇంట్లో ఎవరు లేని సమయంలో ఉరి వేసుకుని ఆత్మహత్య చేసుకున్నాడు. టూ టౌన్ పోలీసులు కేసు నమోదు చేసి దర్యాప్తు చేస్తున్నారు.