రోడ్డుపై అడ్డంగా పడిపోయిన చెట్లు.. కిలోమీటరు వరకు నిలిచిపోయిన వాహనాలు.

దిశ, ఏన్కూర్: గాలిదుమారాలకు, అకాల వర్షాలకు మండల పరిధిలోని భగవాన్ నాయక్ తండ సమీపంలో చెట్లు రోడ్లమీద విరిగిపడి ట్రాఫిక్ అంతరాయం కలిగే విధంగా చేసింది. సోమవారం మధ్యాహ్నం ఏన్కూరు మండలంలో అకాల వర్షం కురిసింది. దానికి తోడుగా విపరీతమైన గాలి రావడంతో రోడ్లమీద చెట్లు విరిగిపడ్డాయి. ఎవరికి ఎలాంటి ప్రమాదం జరగపోయినప్పటికీ.. రోడ్డుకు అడ్డంగా చెట్లు పడిపోవడంతో ట్రాఫిక్ అంతరాయం కలిగింది. విషయం తెలుసుకున్న ఏన్కూర్ మండల పంచాయతీ అధికారి జివిఎస్ నారాయణ, పోలీస్ సిబ్బంది ఆధ్వర్యంలో, జెసిబి సహాయంతో రోడ్లమీద విరిగిపడ్డ చెట్లను తొలగింపుకు చర్యలు చేపట్టారు. రోడ్ల పైన వాహనాలు నిలిచిపోవడంతో ప్రయాణికులు ఇబ్బందులు పడ్డారు. అధికారులు వాహనాలు నిలిచిపోకుండా చర్యలు చేపట్టడంతో వాహనాలు వెళ్లాయి.