పుట్టినరోజు నాడు నాలుగేళ్ల చిన్నారి పై వీధి కుక్కల దాడి...
దిశ, టేకులపల్లి : భద్రాద్రికొత్తగూడెం జిల్లా టేకులపల్లి మండలంలో ఓ అంగన్వాడి కేంద్రం వద్ద నాలుగేళ్ల చిన్నారిపై వీధి కుక్కలు దాడి చేసిన సంఘటన మంగళవారం జరిగింది. రేగుల తండా గ్రామానికి చెందిన చిన్నారి తండ్రి ఇస్లావత్ అశోక్ తెలిపిన వివరాలు ప్రకారం టేకులపల్లి గ్రామపంచాయతీ ముత్యాలమ్మ గుడిసమీపంలో అంగన్వాడి కేంద్రానికి తన కుమారుడు అక్షయ్ నాయక్ (4) వెళ్లాడు. తరువాత అంగన్వాడి కేంద్రం నుంచి అక్షయ్ నాయక్ టాయిలెట్ కి బయటకు వచ్చినట్టు అంగన్వాడి సిబ్బంది తెలిపారు.
బయటకొచ్చిన అక్షయపై వీధి కుక్కలు దాడి చేశాయి. ఈ దాడిలో బాలుడి ఎడమ కాలిని కరిచి తీవ్రంగా గాయపరిచాయి. బాలుడిని వెంటనే స్థానిక సులానగర్ పీహెచ్సీ ఆసుపత్రికి తరలించి చికిత్స అందించారు. పుట్టినరోజు నాడే తన కుమారుడి పై కుక్కలు దాడి చేశాయని ఆవేదన వ్యక్తం చేశాడు. టేకులపల్లి మండలంలో వీధికుక్కల బెడద అధికంగా ఉందని మండలాధికారులు, గ్రామపంచాయతీ అధికారులు, చర్యలు తీసుకొని, వీధి కుక్కల బెడద నుంచి రక్షించాలన్నారు.
