బీఆర్ఎస్ లో చేరిన మాజీ మంత్రి సంభాని

దిశ, కల్లూరు : గురువారం ఖమ్మం ఎంపీ నామ నాగేశ్వరరావు, రాజ్యసభ సభ్యులు వద్దిరాజు రవిచంద్ర, కాంగ్రెస్ సీనియర్ నాయకులు మాజీ మంత్రి సంభాని చంద్రశేఖర్ ని కలిసి బీఆర్ఎస్ పార్టీలోకి రావాలని ఆహ్వానించగా ఆయన సానుకూలంగా స్పందించారు. ఈ సందర్భంగా సన్భాని చంద్రశేఖర్ మాట్లాడుతూ తన 50 ఏళ్ల కాంగ్రెస్ జీవితానికి కాంగ్రెస్ పార్టీలో తనకు అన్యాయం జరిగిందని, తాను ఖమ్మం జిల్లాతో పాటు సత్తుపల్లి నియోజకవర్గ ఎమ్మెల్యే సండ్ర వెంకట వీరయ్య గెలుపునకు కృషి చేస్తానని ఆయన తెలిపారు. ఈ కార్యక్రమంలో బీఆర్ఎస్ మండల పార్టీ అధ్యక్షులు పాలపు రామారావు, జడ్పీటీసీ కట్ట అజయ్ బాబు, కాంగ్రెస్ మండల పార్టీ అధ్యక్షులు దుర్గాప్రసాద్, మండల ఎంపీటీసీ కొండూరు కిరణ్ కాంగ్రెస్ పార్టీ నాయకులు ఉన్నారు.