ఎలుగుబంటి సంచారం

దిశ, సైదాపూర్: రాత్రి వేళల్లో ఎలుగుబంటి సంచరించడంతో గ్రామీణ ప్రాంత ప్రజలు, ప్రయాణీకులు భయాందోళనకు గురవుతున్నారు. కరీంనగర్ జిల్లా సైదాపూర్ మండలంలోని సమ్మక్క-సారలమ్మ గుట్ట వద్ద సైదాపూర్- హుజూరాబాద్ ప్రధాన రహదారిపై రాత్రి వేళల్లో ఎలుగుబంటి సంచరించడం క‌ల‌క‌లం రేపింది. సమ్మక్క గుట్ట వద్ద ఉన్న పెట్రోల్ పంపు యజమాని ఏర్పాటు చేసిన సీసీ కెమెరాలలో ఎలుగుబంటి సంచరించిన బీసీ ఫుటేజీలు ఆ ప్రాంతంలోని ప్రజలకు గుబులు పుట్టిస్తోంది. జాగిరిపల్లి గ్రామంలో క్వారీ ఏర్పాటు చేయటం క్వారీలో పనులు జరుగుతుండటంతో గుట్టపై ఉండాల్సిన వన్య ప్రాణులు రోడ్డుపై సంచరిస్తున్నాయని గ్రామస్తులు వాపోయారు. ఇప్పటికైనా అటవిశాఖ అధికారులు రోడ్డుపై సంచరిస్తున్న ఎలుగుబంటిని పట్టుకోవాలని ప్రజలు కోరుతున్నారు.