రైలు కింద పడి వృద్ధురాలి మృతి

దిశ, ఓదెల: ప్రమాదవశాత్తూ రైలు కింద పడి ఓ వృద్ధురాలు మృతి చెందిన ఘటన పోత్కపల్లి రైల్వే స్టేషన్ లో ఆదివారం చోటుచేసుకుంది. వివరాల్లోకి వెళితే.. కాల్వ శ్రీరాంపూర్ మండల పరిధిలోని ఆరేపల్లి పంచాయతీ అనుబంధ గ్రామం మల్లయ్య పల్లికి చెందిన శ్రీమంతుల భాగ్యమ్మ(60) అనే వృద్ధురాలు ఆదివారం తన చెల్లెలు ఇంటికి వెళ్తుంది. ఈ క్రమంలోనే తాను రైలు ఎక్కుతుండగా.. ప్రమాదవశాత్తూ కాలు జారి రైలు కింద పడిపోయింది. ఈ ప్రమాదంలో భాగ్యమ్మ అక్కడికక్కడే మృతి చెందినట్లు స్థానికులు తెలిపారు.