విద్యుత్ షాక్ తో వ్యక్తి మృతి

దిశ, కోరుట్ల రూరల్: మండలంలోని పైడిమడుగు గ్రామానికి చెందిన తోకల నవీన్ (30) అనే ఎలక్ట్రీషియన్ విద్యుత్ షాక్ తగిలి మృతి చెందాడు. స్థానికుల కథనం ప్రకారం నవీన్ ఉపాధి కోసం గల్ఫ్ వెళ్లి తిరిగి వచ్చి స్థానికంగా ఎలక్ట్రీషియన్ గా పని చేస్తున్నాడు. ఈ క్రమంలో ఆదివారం సాయంత్రం ఓ ఇంట్లో కూలర్ రిపేర్ చేస్తూ విద్యుత్ షాక్ కు గురై అపస్మారక స్థితిలోకి వెళ్లాడు. కుటుంబ సభ్యులు ఆసుపత్రికి తరలించే లోపే అతను మృతి చెందాడు. మృతుడికి భార్య మౌనిక, రెండేళ్ల కూతురు ధనుశ్రీ ఉన్నారు.