పంట నష్టపరిహారం చెల్లించాలని రైతుల రాస్తరోకో

దిశ, రామడుగు: ఆరుగాలం కష్టపడి పండించిన పంటలు చేతికొచ్చే సమయంలో వడగళ్ల వర్షం పాలవడంతో ఏ అధికారి వచ్చి కూడా పంట నష్టం అంచనా వేయడంలో విఫలమయ్యారని ఆగ్రహించిన రైతులు కాంగ్రెస్ పార్టీ ఆధ్వర్యంలో రామడుగు మండల కేంద్రంలో రాస్తారోకో నిర్వహించారు. ఈ సందర్భంగా కాంగ్రెస్ నాయకులు నాగి శేఖర్ మాట్లాడుతూ వడగళ్ల వర్షానికి దెబ్బతిన్న పంటలను త్వరగా అంచనా వేసి రైతులను ఆదుకోవాలని కోరారు.లేని యెడల రైతులతో కలిసి ఉద్యమిస్తామని ఈ సందర్భంగా ప్రభుత్వాన్ని హెచ్చరించారు.అనంతరం రాస్తారోకో నిర్వహిస్తున్న రైతులను అదుపులోకి తీసుకున్నారు.