పద్మశాలి సంఘం అధ్యక్షుల ఎన్నిక

దిశ, చొప్పదండి : పట్టణంలోని పద్మశాలి కుల సంఘంలో గురువారం పట్టణ, యువజన సంఘం అధ్యక్ష పదవులకు ఎన్నికలు నిర్వహించారు. పట్టణ అధ్యక్షులుగా పచ్చనూరి తిరుపతి, యువజన సంఘం అధ్యక్షులుగా అనుమండ్ల సత్యనారాయణ ఏకగ్రీవంగా ఎన్నికయ్యారు. సంఘం సభ్యులు ఎన్నికైన అధ్యక్షులను ఘనంగా సన్మానించారు. ఈ సందర్బంగా వారు మాట్లాడుతూ ఏకగ్రీవ ఎన్నికలకు సహకరించిన ప్రతి ఒక్కరికి కృతజ్ఞతలు తెలియజేశారు. సభ్యుల సహకారంతో సంఘం బలోపేతానికి, సమస్యల పరిష్కారానికి కృషి చేస్తామని తెలిపారు.