గత ప్రభుత్వంపై స్పీకర్ దుష్ప్రచారం చేయడం సరైనది కాదు : కేటీఆర్

దిశ, వికారాబాద్ ప్రతినిధి: కాంగ్రెస్ ప్రభుత్వం ఇచ్చిన హామీలను నెరవేర్చకుండా రైతులను పేద బడుగు బలహీన వర్గాలను మోసం చేస్తుందని, కాంగ్రెస్ ప్రభుత్వాన్ని ప్రజలు నమ్మడం లేదని బిఆర్ఎస్ పార్టీ వర్కింగ్ ప్రెసిడెంట్ మాజీ మంత్రి కేటీఆర్ పేర్కొన్నారు. ఆదివారం వికారాబాద్ జిల్లా కేంద్రంలోని గౌలి కార్ ఫంక్షన్ హాల్ లో జిల్లా పార్టీ అధ్యక్షులు మాజీ ఎమ్మెల్యే ఆనంద్ అధ్యక్షతన నాయకుల కార్యకర్తల జనరల్ బాడీ సమావేశం నిర్వహించారు. ఈ సందర్భంగా మాజీ మంత్రి పార్టీ వర్కింగ్ ప్రెసిడెంట్ కేటీఆర్ మాట్లాడుతూ అభివృద్ధి పేరుతో సీఎం రేవంత్ రెడ్డి ఆయన సోదరులు భూములు లాక్కుంటున్నారని రైతులు కన్నీరు పెడితే పుట్టగతులు ఉండవని ఆయన పేర్కొన్నారు. సీఎం రేవంత్ రెడ్డి అన్నదమ్ములు భూములు లాక్కుంటున్నారు. వికారాబాద్ కు స్పీకర్ గడ్డం ప్రసాద్ కుమార్ ఏంచేశారో చెప్పాలి అని పేర్కొన్నారు. అసత్యపు ఆరోపణలు చేస్తూ గత ప్రభుత్వం అప్పులు చేసిందని మేము వాటిని వడ్డీలు కడుతున్నామని స్పీకర్ హోదాలో ఉండి ఇలా మాట్లాడడం సరైనది కాదన్నారు. తెలంగాణ తొలి ముఖ్యమంత్రిగా సీఎం కేసీఆర్ అప్పులు చేసిన జిల్లాలు ఏర్పాటు చేసి జిల్లా కార్యాలయాలతో పాటు మెడికల్ కళాశాలలు ఏర్పాటు చేసి వాటి నిర్మాణాలు చేసి అభివృద్ధి చేశారన్నారు. ప్రాజెక్టులు చేపట్టి రైతన్నలకు సాగునీరు అందించిన భగీరథుడు కేసీఆర్ అన్నారు. పేద ప్రజలకు అనేక సంక్షేమ పథకాలు ప్రవేశపెట్టి వారి అభివృద్ధికి బాటలు వేశారన్నారు.

రైతులకు రైతుబంధు తో పాటు ఎరువులు విత్తనాలు అందుబాటులో ఉంచి రైతు కష్టాలు తీర్చిన మహనీయుడు కేసీఆర్ అన్నారు. ఇలాంటివి చూడకుండా రాజ్యాంగబద్ధ పదవిలో ఉండి అసత్యపు ఆరోపణలు చేయడం మానుకోవాలని సూచించారు. అసత్యపు ప్రచారాలు చేస్తూ నాయకులపై కార్యకర్తలపై కేసులు పెడితే సహించేది లేదని హెచ్చరించారు. అధికారులు పోలీసులు ఇష్టానుసారంగా అధికార పార్టీకి కొమ్ముకాసి టిఆర్ఎస్ పార్టీ కార్యకర్తలను ఇబ్బందులకు గురి చేయవద్దని అన్నారు. 12 లక్షల చెట్లు నరికి దామగుండంలో నేవీ రాడార్ స్టేషన్ ఏర్పాటు చేయడం దుర్మార్గం అని అన్నారు. 2028 లో మళ్లీ తెలంగాణ లో బిఆర్ఎస్ అధికారంలో రావడం పక్కా అని పేర్కొన్నారు. కాంగ్రెస్ కా ఖేల్ ఖతం దుకాన్ బంద్ చేసుకునే పరిస్థితి ఏర్పడిందన్నారు. రైతులకు రైతుబంధు అవసరానికి యూరియా ఎరువులు ఈయ్యాక పోతే మీరు ఎందుకు ఉన్నారు అని ప్రశ్నించారు. కెసిఆర్ అప్పులు చేసి సంక్షేమ పథకాలు అమలు చేశారూ పేదల పెళ్లిళ్లకు పెద్దదిక్కుల కళ్యాణ లక్ష్మి షాది ముబారక్ పథకాలు ఇచ్చారన్నారు. పేదల ఆరోగ్యానికి ఆర్థిక భరోసాగా సీఎం రిలీఫ్ ఫండ్ అమలు చేసి పేదల ఆరోగ్యానికి అండగా నిలిచారన్నారు. కాంగ్రెస్ వి 13 డిక్లరేషన్లు ఎక్కడున్నాయో చెప్పాలి అని అన్నారు. ఏ ఒక్క హామీ కూడా నెరవేర్చకుండా ప్రజలను మోసం చేశారన్నారు ఆడపడుచులకు నెలకు 2500 ఇస్తానని ఇప్పటికీ అమలు చేయలేదని ఇలా చెప్పుకుంటూ పోతే 420 హామీలు ఇచ్చి ప్రజలను మోసం చేసిన కాంగ్రెస్ పార్టీ ఫెయిల్ అయిపోయిందన్నారు. వికారాబాద్ ప్రజల ఆకాంక్షను నెరవేర్చింది కేసీఆర్ కాదా వికారాబాద్ కు మెడికల్ కళాశాల కలెక్టరేట్ ను మంజూరు చేశాము ఇలా చెప్పుకుంటూ పోతే అనేక అభివృద్ధి కార్యక్రమాలు చేశామన్నారు. పట్టణానికి ప్రధానంగా ఉన్నటువంటి సమస్య రైల్వే ఫ్లై ఓవర్ బ్రిడ్జి 96 కోట్లు మంజూరు చేసి అభివృద్ధికి బాటలు వేయడం జరిగిందన్నారు.