రంగారెడ్డి జిల్లా డీసీసీ జనరల్​ సెక్రటరీగా విష్ణువర్ధన్ రెడ్డి..

దిశ, వనస్థలిపురం: రంగారెడ్డి జిల్లా కాంగ్రెస్ పార్టీ ప్రధాన కార్యదర్శిగా కర్మన్ ఘాట్ హనుమాన్ టెంపుల్ మాజీ డైరెక్టర్ జనుముపల్లి విష్ణువర్ధన్​ రెడ్డి నియామకమయ్యారు. ఈ మేరకు పీసీసీ ప్రెసిడెంట్​ మహేశ్​ కుమార్ గౌడ్ ప్రకటించారు. ఈ సందర్భంగా విష్ణువర్ధన్​ రెడ్డి మాట్లాడుతూ.. తనపై ఎంతో నమ్మకంతో అవకాశం కల్పించిన సీఎం రేవంత్ రెడ్డి, యూత్ కాంగ్రెస్ స్టేట్​ ప్రెసిడెంట్​ జక్కిడి శివ చరణ్ రెడ్డి, జిల్లా అధ్యక్షుడు చల్లా నర్సింహా రెడ్డిలకు కృతజ్ఞతలు తెలిపారు. పార్టీ బలోపేతం కోసం కృషి చేస్తానని పేర్కొన్నారు. ఎల్బీనగర్​ నియోజకవర్గంలో పార్టీ అభివృద్ధికి పాటుపడతానన్నారు.