Hyderabad : గచ్చిబౌలి-కొండాపూర్ ఫ్లైఓవర్ ప్రారంభానికి ముహూర్తం ఖరారు

దిశ, వెబ్ డెస్క్ : హైదరాబాద్(Hyderabad) లోని గచ్చిబౌలి-కొండాపూర్ ఫ్లైఓవర్(Gachibowli-Kondapur Flyover) ప్రారంభానికి ముహూర్తం ఫిక్స్ అయింది. ఈనెల 28న సీఎం రేవంత్ రెడ్డి(CM Revanth Reddy) చేతుల మీదుగా ఈ ఫ్లైఓవర్ ఓపెన్ కానుంది. కాగా దీనికి దివంగత నాయకుడు పి.జనార్ధన్ రెడ్డి ఫ్లైఓవర్(PJR Flyover) గా నామకరణం చేస్తోంది ప్రభుత్వం. ఈమేరకు ప్రారంభోత్సవ ఏర్పాట్లు పూర్తి చేయాలని మేయర్ విజయలక్ష్మి GHMC కమిషనర్ ఆర్వీ కర్ణన్ కు ఆదేశాలు జారీ చేశారు.

ఈ ఫ్లైఓవర్ ద్వారా గచ్చిబౌలి జంక్షన్ వద్ద సమస్య చాలా వరకు తీరుతుంది. మరోవైపు కొండాపూర్ నుంచి శంషాబాద్ ఎయిర్పోర్టుకు వెళ్ళడానికి ఎలాంటి ట్రాఫిక్ అడ్డంకులు లేకుండా సులువుగా చేరుకోవచ్చు. హైటెక్ సిటీ, ఫైనాన్షియల్ డిస్ట్రిక్ట్ కు మెరుగైన కనెక్టివిటీ ఉంటుంది.