Hyderabad : అన్నం కూడా తిననివ్వలేదు.. 'మాదాపూర్' ఘటనలో చిన్నారి కంటతడి

దిశ, వెబ్ డెస్క్ : ఇటీవల మాదాపూర్ అయ్యప్ప సొసైటీ(Madapur Ayyappa Society)లో అక్రమంగా నిర్మించిన ఐదు అంతస్తుల ఇల్లును హైడ్రా(HYDRA) కూల్చివేసిన సంగతి తెలిసిందే. అయితే ఈ ఘటనలో ఇల్లు కోల్పోయిన ఓ చిన్నారి ఆవేదన ఇపుడు అందరినీ కంటతడి పెట్టిస్తోంది. అధికారులు తమను అన్నం కూడా తిననివ్వకుండా ఇంట్లో నుంచి బయటకు పంపించి వేశారని అన్నాడు. తమ తండ్రి చనిపోయారని, తమకు ఉన్న ఒకే ఒక ఆధారం ఆ ఇళ్ళని, దాన్ని కూడా అధికారులు కూల్చివేసి, తమ కుటుంబాన్ని రోడ్డు మీద పదేశరని కంటతడి పెట్టాడు. తనకు ఇక ఆకలి వేయడం లేదని, బాధతోనే కడుపు నిండిపోయిందని ఏడుస్తూ చెప్పడం ప్రతి ఒక్కరినీ కన్నీళ్ళు పెట్టించింది.