Ram Gopal Varma: ఎన్డీఏ రాష్ట్రపతి అభ్యర్థి ద్రౌపదిపై RGV వివాదాస్పద వ్యాఖ్యలు.. పీఎస్‌లో ఫిర్యాదు

దిశ ప్రతినిధి , హైదరాబాద్ : Ram Gopal Varma Controversial Comments On NDA's Presidential Candidate Draupadi Murmu| ఎన్డీఏ రాష్ట్రపతి అభ్యర్థి ద్రౌపది ముర్ము పై వివాదాస్పద వ్యాఖ్యలు చేసిన సినీ దర్శకులు రాంగోపాల్ వర్మపై బీజేపీ నాయకులు శుక్రవారం అబిడ్స్ పోలీస్ స్టేషన్ లో ఫిర్యాదు చేశారు. ఈ మేరకు మాజీ ఎమ్మెల్యే నందీశ్వర్ గౌడ్, సీనియర్ బీజేపీ రాష్ట్ర నాయకులు గూడూరు నారాయణ రెడ్డి లు ఫిర్యాదు చేశారు. ఏన్డీఏ రాష్ట్రపతి అభ్యర్థినిగా ద్రౌపది ముర్మును ప్రకటించిన సందర్భంగా 'ద్రౌపది రాష్ట్రపతి ' అయితే మరి కౌరవులు ఎవరంటూ కామెంట్ చేశారని, ఇవి ఆమె మనోభావాలు దెబ్బతినేలా ఉన్నందున ఎస్సీ, ఎస్టీ అట్రాసిటీ కేసు నమోదు చేసి తగిన చర్యలు తీసుకోవాలని వారు తమ ఫిర్యాదులో కోరారు. రాంగోపాల్ వర్మపై బీజేపీ నాయకులు ఫిర్యాదు చేశారని, . అయితే లీగల్ ఒపీనియన్ తీసుకున్న అనంతరం కేసు నమోదు చేస్తామని అబిడ్స్ ఇన్ స్పెక్టర్ ప్రసాదరావు తెలిపారు.