EMRIకి జీహెచ్ఎంసీ కాల్ సెంటర్ నిర్వహణ బాధ్యత

దిశ, సిటీ బ్యూరో : గ్రేటర్ హైదరాబాద్ పరిధిలో ప్రజల నుంచి వచ్చే ఫిర్యాదుల స్వీకరణ, నిర్వహణ, కాల్ సెంటర్ నిర్వహణ, సర్వర్ అప్ గ్రేడ్ వంటి బాధ్యతలను ఎమర్జెన్సీ మేనేజ్ మెంట్ రిసెర్చ్ ఇన్ స్టిట్యూట్(ఈఎంఆర్ఐ) సంస్థకు అప్పగించనున్నారు. అయితే కాల్ సెంటర్‌లో పనిచేస్తున్న 10 మందికి సరిపడ సీట్లు మాత్రమే ఉన్నాయి. వీటిని 50 సీట్లతో ఇన్ బౌండ్ కాల్ సెంటర్ ఏర్పాటు చేయాలని జీహెచ్ఎంసీ నిర్ణయించింది. దీనికి సంబంధించిన అంశాన్ని స్టాండింగ్ కమిటీ సమావేశంలో ఆమోదించారు. మేయర్ గద్వాల్ విజయలక్ష్మి అధ్యక్షతన గురువారం జీహెచ్ఎంసీ హెడ్ ఆఫీసులోని కమాండ్ కంట్రోల్ సెంటర్‌లో నిర్వహించిన స్టాండింగ్ కమిటీ సమావేశంలో 18 ఎజెండ్ అంశాలు, ఆరు టేబుల్ అంశాలను సమావేశం ఆమోదించింది.

ఆమోదించిన ముఖ్యమైన అంశాలు..

- సర్కిల్-17లోని 100వ వార్డు సనత్‌నగర్‌లో జెన్ టెక్నాలజీస్ ఇండస్ట్రియల్ ఏరియా ఎదురుగా నీరు నిలవకుండా చూసేందుకు స్టార్మ్ వాటర్ డ్రైన్ నిర్మాణానికి అనుమతి.

- ఓవైసీ జంక్షన్ ఫ్లైఓవర్ నుంచి సంతోష్ నగర్ ఎడమ వైపునకు 30 మీటర్ల నుంచి 32.5 మీటర్లు & 45 మీటర్ల వెడల్పుతో ప్రతిపాదిత నిర్మాణం కోసం రోడ్ డెవలప్‌మెంట్ ప్లాన్ ఆమోదం, 7 ఆస్తులను స్వాధీనం చేసుకోవడానికి కార్పొరేషన్‌కు సిఫార్సు.

- హెచ్-సిటీ కింద ప్రతిపాదిత 30 మీటర్లు & 15 మీటర్ల నుంచి 20.5 మీటర్ల వెడల్పు గల 4 లేన్ యూని-డైరెక్షనల్ రసూల్‌పుర జంక్షన్ నిర్మాణం కోసం సవరించిన రోడ్డు అభివృద్ధి ప్రణాళిక ఆమోదం కోసం అభ్యర్థన.

- ప్రతిపాదించిన విధంగా (26) ఆస్తుల సంఖ్యను స్వాధీనం చేసుకోవడానికి వీలుగా సికింద్రాబాద్ కంటోన్మెంట్ బోర్డు సీఈఓ నుంచి ఆమోదం పొందడానికి

ఆమోదం కోసం.

- హెచ్-సిటీ కింద ఏఓసీ సెంటర్ చుట్టూ ఫ్లైఓవర్/ఆర్ఓబీ, ప్రత్యామ్నాయ రహదారి ప్రతిపాదిత నిర్మాణం కోసం (2) సెట్ల ఆర్డీపీల ఆమోదం కోసం అభ్యర్థన. - ఆర్కేపురం జంక్షన్ మినహా కంటోన్మెంట్ ప్రాంతం కింద ప్రతిపాదిత 16.61 మీటర్లు, 30.50 మీటర్లు, 33.00 మీటర్లు, 19.30 మీటర్లు & 45.0 మీటర్ల వెడల్పుతో ప్రతిపాదిత నిర్మాణం.

- సీఈఓ సెకండ్-బెడ్ కంటోన్మెంట్ బోర్డు నుంచి ఆమోదం పొందడానికి ప్రతిపాదించిన విధంగా (10) ఆస్తులను స్వాధీనం చేసుకోవడానికి కార్పొరేషన్‌కు సిఫార్సు.

- కూకట్‌పల్లి జోన్‌లోని మూసాపేట్ సర్కిల్‌లోని వార్డ్ నెం.114, కేపీహెచ్‌బీ కాలనీలోని 4వ దశలో ఉన్న మల్టీపర్పస్ ఫంక్షన్ హాల్‌లోని ఒక భాగంలో ప్రాథమిక ఆహార పరీక్షా ప్రయోగశాల ఏర్పాటుకు అనుమతి ఇవ్వాలని పైన పేర్కొన్న పనులకు రూ.5.00 కోట్ల మంజూరు కోసం కార్పొరేషన్‌కు అనుమతిని సిఫార్సు చేసి, పరిపాలనా అనుమతికి విజ్ఞప్తి.

- చౌమహల్ల ప్యాలెస్ సమీపంలోని ఖిల్వత్ వద్ద మల్టీ లెవల్ పార్కింగ్ కాంప్లెక్స్ నిర్మాణం, నిర్వహణ, నిర్వహణ కోసం డిజైన్, బిల్ట్, ఫైనాన్స్, ఆపరేట్, ట్రాన్స్‌ఫర్ ప్రాతిపదికన 15 సంవత్సరాల రాయితీ వ్యవధి, పనితీరు ఆధారంగా (5) సంవత్సరాల పొడిగింపుతో రిక్వెస్ట్ ఫర్ ప్రపోజల్ (ఆర్ఎఫ్పీ)ను పిలవడానికి ప్రతిపాదనకు ఆమోదం పొందాలని అభ్యర్థన.

- 2025-26 ఆర్థిక సంవత్సరానికి వన్ టైమ్ స్కీమ్‌పై తదుపరి ఉత్తర్వులు జారీ చేయడానికి ప్రభుత్వానికి ప్రతిపాదన పంపడంలో కమిషనర్ తీసుకున్న చర్యను ఆమోదించాలని అభ్యర్థన.

- ఫతేహ్‌బౌల్, ననల్‌నగర్ జంక్షన్లలో ఫ్లైఓవర్ గ్రేడ్ సెపరేటర్లు నిర్మాణ ప్రతిపాదన, సుమారు 700 మీటర్ల పొడవులో మాస్టర్ ప్లాన్ రోడ్లను 45 మీటర్ల నుంచి సుమారు 68.9 మీటర్ల వరకు విస్తరించడం, 106 ఆస్తుల స్వాధీనం, వీటిని మాస్టర్ ప్లాన్‌లో చేర్చాలని ప్రభుత్వానికి తెలియజేయడం.

- ఫలక్‌నుమాలో ఉన్న ప్రస్తుత బ్రాడ్-గేజ్ లైన్ ఆర్‌ఓబీకి సమాంతరంగా మరో ఆర్‌ఓబీ నిర్మాణానికి సవరించిన పరిపాలనా ఆమోదం.

- 2025–26 ఆర్థిక సంవత్సరానికి ప్రధాన రోడ్డు అభివృద్ధి పథకం కింద అదనపు వ్యయం కోసం అనుమతి.

- బల్కంపేట్ టెంపుల్ రోడ్ నుంచి సనత్‌నగర్ వరకు ఉన్న ఫతేనగర్ ఫ్లైఓవర్ పునరుద్ధరణ పనులకు పరిపాలనా ఆమోదం రాటిఫికేషన్ కోసం అనుమతి.

- ఖైరతాబాద్ జోన్‌లోని 10 క్రీడా సముదాయాల నిర్వహణ, కార్యకలాపాల కోసం టెండర్లను ఆహ్వానించేందుకు అనుమతి.

- శేరిలింగంపల్లి(సర్కిల్-20)లోని ఖాజాగూడా స్పోర్ట్స్ కాంప్లెక్స్‌ను మరమ్మతులు/నిర్వహణ కోసం ప్రైవేట్ సంస్థకు లీజుకు ఇచ్చే ప్రతిపాదన.

- గేమ్స్ ఇన్‌స్పెక్టర్ ఓ.వీరానందను అసిస్టెంట్ డైరెక్టర్ ఆఫ్ స్పోర్ట్స్‌గా పదోన్నతి కల్పించి స్పోర్ట్స్ విభాగంలో పోస్టింగ్ చేయడం.

- ఏటీఎస్సీ సిస్టమ్ అధ్యయనం/డిజైన్/అమలు కోసం సాంకేతిక సహాయం/పీఎంయూ సేవలకు (ఉస్మానియా విశ్వవిద్యాలయం ద్వారా) పరిపాలనా ఆమోదం.

- ఉస్మానియా యూనివర్సిటీ ఎలక్ట్రికల్ ఇంజినీరింగ్ విభాగంతో 4 సంవత్సరాల పీఎంయూ సహాయ ఒప్పందం.

- సికింద్రాబాద్ రైల్వే స్టేషన్ నుంచి క్లాక్ టవర్ వరకు పర్యాటక ప్రాంతాల పరిశుభ్రత, సంరక్షణ లక్ష్యంగా 3 ఏళ్ల అవుట్‌సోర్స్డ్ ప్రాజెక్టును నిర్వహించేందుకు ఇగ్జోరా కార్పొరేట్ సర్వీసెస్ ప్రైవేట్ లిమిట్ కంపెనీని నియమించడానికి అనుమతి.

- సికింద్రాబాద్ జోన్‌లో సర్కిల్స్ 12, 13, 14, 17, 18లో పరిశుభ్రత నిర్వహణ కోసం ప్రత్యేక ఏజెన్సీలతో 1 సంవత్సరపు ఒప్పందానికి ఈ-ప్రొక్యూర్‌మెంట్ టెండర్లను ఆహ్వానించేందుకు, నిధులు మంజూరు చేయడానికి అనుమతి.

అమోదం తెలిపిన ఆరు టేబుల్ అంశాలు..

- అబిడ్స్‌ షాపింగ్ కాంప్లెక్స్‌లోని 56 సెల్లార్ దుకాణాల కోసం టెండర్ ప్రక్రియకు ఆమోదం.

- కుత్బుల్లాపూర్ సర్కిల్ ఆఫీస్ ప్రాంగణంలో ఉన్న భాగ్యనగర్ గ్యాస్ లిమిటెడ్ లీజ్‌ను మరో 3 సంవత్సరాలకు పొడిగించడానికి అమోదం.

- జీహెచ్ఎంసీ వాహనాల (స్వచ్ఛ ఆటోలు, స్వీపింగ్ వాహనాలు, ఫాగింగ్ వాహనాలు మొదలైనవి) కోసం జీపీఎస్ ఆధారిత వాహన ట్రాకింగ్ సిస్టమ్‌ను ఏర్పాటు చేసి నిర్వహించేందుకు సర్వీస్ ప్రొవైడర్‌ను ఎంపిక చేయడానికి ఆమోదం.

- గెలీలియో నగర్ (కాప్రా సర్కిల్–1)లోని ఓపెన్ స్పేస్‌లో స్పోర్ట్స్ అరినా అభివృద్ధి చేయడానికి ఆమోదం.

- జీహెచ్ఎంసీ చట్టం సంబంధిత సెక్షన్ ప్రకారం, జీహెచ్ఎంసీ హిల్ లాక్ భూమిని జూబ్లీహిల్స్‌లోని ప్రైవేట్ యజమాని భూమితో మార్చుకోవడానికి ఆమోదం.