లంబాడ సమాజానికి మంత్రి పదవి ఇవ్వాలని డిమాండ్

దిశ, కార్వాన్ : లంబాడ సమాజానికి మంత్రి పదవి ఇవ్వాలని డిమాండ్ చేస్తూ నేతలు ఆందోళనకు దిగారు.గురువారం లంబాడా వర్గానికి చెందిన కొందరు నేతలు గాంధీ భవన్ ముట్టడికి యత్నించారు. లంబాడ సమాజానికి మంత్రి పదవి ఇవ్వాలని,కాంగ్రెస్ ప్రభుత్వం ఎన్నికల ముందు ఇచ్చిన హామీలను వెంటనే నెరవేర్చి ఆ తరవాత బస్సు యాత్ర చేపట్టాలని డిమాండ్ చేశారు. గాంధీభవన్ లోనికి చొచ్చుకు వెళ్లేందుకు ప్రయత్నించిన నిరసనకారులను పోలీసులు అడ్డుకోవడంతో ఉద్రిక్త వాతావరణం నెలకొంది. నిరసనకారులను పోలీసులు అరెస్టు చేసి తరలించారు.