TG Bubjet: మూసీ పునరుజ్జీవనానికి భారీ నిధులు

దిశ, వెబ్ డెస్క్: తెలంగాణ బడ్జెట్‌(Telangana Budjet)లో మూసీ రివర్ ఫ్రంట్ అభివృద్ధికి ప్రభుత్వం రూ. 1,500 కోట్లను కేటాయించింది. డిప్యూటీ సీఎం(Deputy Cm), ఆర్థిక మంత్రి(Finance Minister) మల్లు భట్టి విక్రమార్క(Mallu Batti Vikramarka) ఈ బడ్జెట్‌ను అసెంబ్లీ(Assembly)లో ప్రకటించారు. హైదరాబాద్(Hyderabad) రూపురేఖలను మార్చే ప్రాజెక్టుగా ఇప్పటికే ప్రభుత్వం స్పష్టంచేసింది. ఈ మేరకు బడ్జెట్‌లో ప్రాధాన్యతనిచ్చింది. లండన్‌ థేమ్స్ నది తరహాలో మూసీ తీరాన్ని అభివృద్ధి చేసే దిశగా కేటాయింపులు జరిపింది.

ఈ నిధులతో..

ఈ నిధులను మూసీ నది(Musi River) ప్రక్షాళన, మురుగునీటి శుద్ధి ప్లాంట్లు (STPs) ఏర్పాటు, నది పొడవునా పచ్చదనం పెంచే పనులకు వినియోగించనున్నట్లు తెలుస్తోంది. ప్రాజెక్టు తొలి దశలో భాగంగా సుమారు 55 కిలోమీటర్ల మేర నది పరివాహక ప్రాంతాన్ని అభివృద్ధి చేయాలని ప్రభుత్వం లక్ష్యంగా పెట్టుకుంది. ఇందులో భాగంగా చెక్ డ్యామ్‌ల నిర్మాణం, రివర్ వాక్-వేలు, సైక్లింగ్ ట్రాక్‌లు, పర్యాటకుల కోసం ప్రత్యేక వినోద ప్రాంతాలను (Recreation Zones) ఏర్పాటు చేయనుంది.

కీలకం కానున్న ప్రాజెక్టు

మరోవైపు నగరంలో పెరుగుతున్న కాలుష్యాన్ని అరికట్టేందుకు మూసీ పరిసర ప్రాంతాల్లో ఆర్థిక కార్యకలాపాలను వేగవంతం చేసేందుకు ఈ ప్రాజెక్టును కీలకమని ప్రభుత్వం భావిస్తోంది. ఇప్పటికే ఈ ప్రాజెక్టుకు సంబంధించి సామాజిక-ఆర్థిక సర్వేలు పూర్తి చేసింది. నిర్వాసితులకు పునరావాసం కల్పిస్తూనే పనులు వేగంగా చేయాలని నిర్ణయించింది. ఇందులో భాగంగానే బడ్జెట్‌లో రూ. 1,500 కోట్లు కేటాయించింది. ఈ మేరకు ప్రాజెక్టు ప్రాథమిక మౌలిక సదుపాయాల కల్పనకు, భూసేకరణకు సంబంధించి అత్యవసర పనులకు ప్రభుత్వం ఉపయోగించనుంది.

తెలంగాణ బడ్జెట్‌లో ఓయూకు పెద్దపీట.. రూ. 1,000 కోట్లు కేటాయింపు