ఎస్బీలో 16 మంది సీఐల నియామకం

దిశ, తెలంగాణ క్రైం బ్యూరో: హైదరాబాద్ స్పెషల్ ​బ్రాంచ్​ విభాగంలో 16 మంది ఇన్స్​పెక్టర్లను నియమిస్తూ ఉన్నతాధికారులు సోమవారం ఉత్తర్వులు జారీ చేశారు. ఎన్నికల సమయంలో స్పెషల్ ​బ్రాంచ్​ పాత్ర కీలకంగా ఉంటుందన్న విషయం అందరికీ తెలిసిందే. ఆయా రాజకీయ పార్టీల కార్యకలాపాలపై కన్నేయటంతోపాటు ఎలాంటి కార్యక్రమాలు నిర్వహించనున్నారు? ఏవైనా సమస్యలు ఉత్పన్నమయ్యే అవకాశాలు ఉన్నాయా? అన్నదాంతో పాటు వేర్వేరు రకాల సమాచారాన్ని స్పెషల్​ బ్రాంచ్​ సిబ్బంది సేకరించి లా అండ్​ ఆర్డర్​ పోలీసులకు అందచేస్తారు. ఈ సమాచారం ఆధారంగానే లా అండ్ ​ఆర్డర్​ పోలీసులు అవసరమైన చర్యలు తీసుకుంటారు. ఈ క్రమంలోనే స్పెషల్ ​బ్రాంచ్​ విభాగాన్ని పటిష్టం చేయటానికి ౧౬ మంది ఇన్స్​పెక్టర్లను నియమిస్తూ ఉన్నతాధికారులు ఉత్తర్వులు ఇచ్చారు.