Bathukamma Special: తెలంగాణ ప్రజలకు గవర్నర్ కీలక పిలుపు

దిశ, తెలంగాణ బ్యూరో: బతుకమ్మ పండుగ తెలంగాణ సంస్కృతికి ప్రతీక అని రాష్ట్ర గవర్నర్ జిష్ణు దేవ్ వర్మ అన్నారు. గురువారం సంస్కార భారతి తెలంగాణ ఆధ్వర్యంలో నిర్వహించనున్న బతుకమ్మ సంబరాల పోస్టర్‌ను ఆవిష్కరించారు.​ఈ సందర్భంగా గవర్నర్ మాట్లాడుతూ, బతుకమ్మ పండుగ తెలంగాణ సంస్కృతికి ప్రతీక అని, ఈ సంబరాలను అందరూ కలిసిమెలిసి జరుపుకోవాలని పిలుపునిచ్చారు. మన సంస్కృతి, సంప్రదాయాలను భావితరాలకు అందించాల్సిన బాధ్యత మనపై ఉందని ఆయన అన్నారు. ఈ బతుకమ్మ సంబరాలను విజయవంతం చేయాలని రాష్ట్ర ప్రజలకు ఆయన విజ్ఞప్తి చేశారు. గవర్నర్‌ను కలిసిన వారిలో సంస్కార భారతి తెలంగాణ రాష్ట్ర వర్కింగ్ ప్రెసిడెంట్ డాక్టర్ కె.కె.వి. శర్మ, రాష్ట్ర కార్యదర్శి భవాని, మాతృశక్తి రాష్ట్ర కన్వీనర్ సుష్మ, కో-కన్వీనర్ షాలిని తదితరులు పాల్గొన్నారు. ఈ బతుకమ్మ సంబరాలను ఘనంగా నిర్వహించేందుకు సంస్కార భారతి అన్ని ఏర్పాట్లు చేస్తున్నట్లు ప్రతినిధులు తెలిపారు.