కాలుజారి కింద పడ్డ తెలంగాణ గవర్నర్ (వీడియో)

దిశ, తెలంగాణ క్రైమ్ బ్యూరో: రాష్ట్ర గవర్నర్ డాక్టర్ తమిళిసై సౌందర్ రాజన్ కాలుజారి పడిపోయారు. ఈ సంఘటన తమిళనాడులో జరిగింది. మార్టిన్ ఫౌండేషన్ అనే సంస్థ, ఏపీజే అబ్దుల్ కలాం ఇంటర్నేషనల్ అండ్ స్పేస్ జోన్ ఇండియాతో కలిసి హైబ్రీడ్ సౌండింగ్ రాకెట్‌ను తయారు చేసింది. ఆదివారం తమిళనాడు చెంగల్‌పట్టు సమీపంలోని పట్టిపురం నుంచి రాకెట్‌ను ప్రయోగించారు. ఈ కార్యక్రమానికి ముఖ్య అతిధిగా హాజరైన గవర్నర్ తమిళి సై వేదిక వద్దకు నడుచుకుంటూ వెళుతూ కాలు జారటంతో కిందపడ్డారు. వెంటనే సహాయక సిబ్బంది ఆమెను పైకి లేపారు. ప్రమాదంలో ఆమెకు ఎలాంటి గాయాలు కాలేదు.