OU విద్యార్థులకు గుడ్ న్యూస్

దిశ, వెబ్ డెస్క్ : ఉస్మానియా యూనివర్సిటీ(OU) పరిధిలో విద్యార్థులకు గుడ్ న్యూస్. ఓయూ పరిధిలో బీఏ, బీకాం, బీఎస్సీ, బీబీఏ, బీఎస్డబ్ల్యూ విభాగాల్లో బ్యాక్ లాగ్స్(Back logs) ఉన్న విద్యార్థులకు అధికారులు ఓ గోల్డెన్ ఛాన్స్ ఇచ్చారు. మరోసారి ఈ పరీక్షలు రాసుకునే వన్ టైమ్(One Time) అవకాశం కల్పించారు. 2000 నుంచి 2015 మధ్యలో చదివి, ఫెయిల్ అయిన విద్యార్థులు ఎవరైనా తిరిగి పరీక్షలు రాయవచ్చు. విద్యార్థులు చదివిన కాలంలో చివరి ఏడాది సిలబస్ ప్రకారం ఈ పరీక్షలు జరుగుతాయి. అలాంటి విద్యార్థులు జూన్ 19 వరకు ఎలాంటి ఫైన్ లేకుండా పరీక్ష ఫీజు చెల్లించవచ్చునని తెలిపారు. లేట్ ఫైన్ తో జూన్ 25 వరకు పరీక్ష ఫీజు చెల్లించవచ్చని అన్నారు. వీటికి సంబంధించిన ఎగ్జామ్స్ జులైలో జరుగుతాయని పేర్కొన్నారు.