తెలంగాణలో ఈసారి బీజేపీకి ఛాన్స్.. ప్రజాదరణ పెరుగుతోంది: మాజీ ఎంపీ కీలక వ్యాఖ్యలు

దిశ, తెలంగాణ బ్యూరో : తెలంగాణ మంత్రులు (GST) జీఎస్టీ పై అవగాహనా రాహిత్యంతో విమర్శలు చేస్తున్నారని, జీఎస్టీ తగ్గడంతో ప్రధాని మోడీని దేశ ప్రజలు ఒక దైవంగా చూస్తున్నారని మాజీ ఎంపీ బూర నర్సయ్య గౌడ్​ (Former MP Boora Narsaiah Goud) పేర్కొన్నారు. కాంగ్రెస్​నేతలు కడుపు మంటతో శాపనార్థాలు పెడుతున్నారని తెలంగాణకు రూ. 7 వేల కోట్ల నష్టం అని తెలిసిన ఇలాంటి ప్రకటన చేయడం ఎంతో గొప్ప విషయమన్నారు. శుక్రవారం ఒక ప్రకటనలో పేర్కొంటూ మాజీ మంత్రి కేటీఆర్​దేశ ప్రధాని మోడీ రూ.15 లక్షలు దోచుకున్నారని చేసిన ప్రకటనను తాను తీవ్రంగా ఖండిస్తున్నట్లు తెలిపారు. (Narendra Modi) మోడీ నీతివంతమైన రాజకీయాలకు బ్రాండ్ అంబాసిడర్ అయితే, బీఆర్​ఎస్, కాంగ్రెస్​పార్టీలు రాజకీయ అవినీతి పాలిటిక్స్‌కు బ్రాండ్ అంబాసిడర్ అని ఎద్దేవా చేశారు. కేంద్రం గత 11 సంవత్సరాల్లో రూ. 315 లక్షల కోట్ల బడ్జెట్ ప్రవేశ పెట్టిందని ఒక్క రూపాయి అవినీతి మారక లేదని, బీఆర్​ఎస్​పార్టీ అవినీతి జగమెరిగిన నిజం అన్నారు.

గతంలో జీఎస్టీని గబ్బర్ సింగ్ టాక్స్ అని ఎద్దేవా చేసిన రాహుల్ గాంధీ నోటికి తాళం పడిందన్నారు. నూతన సంస్కరణలతో దేశంలో 30 కోట్ల కుటుంబాలకు రూ. 5-6 లక్షల కోట్ల లాభం చేకూరుతుందని తెలిపారు. రోజు రోజుకు ప్రధాని మోడీ, (BJP) బీజేపీకి ప్రజాదరణ పెరుగుతుందని కీలక వ్యాఖ్యలు చేశారు. కాంగ్రెస్ కు 50 ఏళ్లు, బీఆర్​ఎస్​కు పదేళ్లు ప్రజలు అవకాశం ఇచ్చారన్నారు. ఈ సారి బీజేపీకి ఒక ఛాన్స్ ఇవ్వాలనే తపన తెలంగాణ ప్రజల్లో ఉందన్నారు. ఈ రెండు కుటుంబాల పార్టీలు భయంతో అవాకులు, చెవాకులు మాట్లాడుతున్నారని మండిపడ్డారు.