ఓల్డ్ బోయిన్‌పల్లిలో అగ్నిప్రమాదం..

దిశ, వెబ్‌డెస్క్: సికింద్రాబాద్ లోని ఓల్డ్ బోయిన్ పల్లిలో అగ్నిప్రమాదం జరిగింది. మంగళవారం తెల్లవారుజామున జరిగిన ఈ అగ్నిప్రమాద ఘటనతో స్థానికులు ఉలిక్కిపడ్డారు. ఓ భవనం రెండో అంతస్తులో ఉన్న గదిలో నుంచి మంటలు రాగా.. వెంటనే అగ్నిమాపక సిబ్బంది, పోలీసులకు సమాచారమిచ్చారు. అక్కడికి చేరుకున్న అగ్నిమాపక సిబ్బంది మంటల్ని అదుపుచేశారు. గదిలో ఉన్న సీసీ కెమెరాలు, ఎలక్ట్రానిక్ పరికరాల్లో హీట్ పెరగడం వల్లే ఈ ప్రమాదం జరిగినట్లు తెలుస్తోంది. ఈ ఘటనపై పూర్తి సమాచారం తెలియాల్సి ఉంది.