UPSC ఫలితాలపై తప్పుడు ప్రకటనలు.. కోచింగ్ ఇన్‌స్టిట్యూట్‌కు భారీ జరిమానా

దిశ, వెబ్‌డెస్క్: యూపీఎస్సీ(UPSC) ఫలితాలపై తప్పుడు ప్రకటనలు ప్రచురించినందుకు విజన్ IAS (అజయ్‌ విజన్ ఎడ్యుకేషన్ ప్రైవేట్ లిమిటెడ్) కోచింగ్‌ సెంటర్‌పై సెంట్రల్ కన్స్యూమర్ ప్రొటెక్షన్ అథారిటీ(CCPA) సీరియస్ అయింది. ఈ మేరకు రూ.11 లక్షల జరిమానా విధించింది. నియంత్రణ జోక్యం మరియు జాగ్రత్తలు ఉన్నప్పటికీ, సంస్థ వాటిని ఉల్లంఘించిందని, దీని ద్వారా లక్షలాది మంది అభ్యర్థులు వారి తల్లిదండ్రులను తప్పుదారి పట్టిస్తుందని అథారిటీ పేర్కొంది. ఇప్పటివరకు తప్పుడు ప్రకటనలు ఇచ్చిన దాదాపు 57 కోచింగ్ సెంటర్లకు నోటీసులు ఇచ్చినట్లు CCPA స్పష్టం చేసింది. అన్ని కోచింగ్ సంస్థలు తమ ప్రకటనలలో సమాచారాన్ని నిజాయితీగా మరియు పారదర్శకంగా బహిర్గతం చేయాలని కోరింది. దీంతో విద్యార్థులు న్యాయమైన సమాచారంతో కూడిన విద్యా నిర్ణయాలు తీసుకునేలా చూడాలని అథారిటీ నొక్కి చెప్పింది.