బెంగళూరుకి సీఎం రేవంత్ రెడ్డి.. కర్ణాటక కాంగ్రెస్ పరిణామాల నేపథ్యంలో సీఎం టూర్ పై ఉత్కంఠ

దిశ, తెలంగాణ బ్యూరో : సీఎం రేవంత్ రెడ్డి బెంగళూరుకి వెళ్లారు. శనివారం రాత్రి ఆయన శంషాబాద్​ ఇంటర్నేషనల్ ఎయిర్​పోర్టు నుంచి ప్రత్యేక విమానంలో బెంగళూరుకి చేరుకున్నారు. ఈ పర్యటన కర్ణాటక కాంగ్రెస్​లో జరుగుతున్న రాజకీయ పరిణామాల నేపథ్యంలో సీఎం బెంగళూరు టూర్ ఉత్కంఠగా మారింది. కర్ణాటకలో సీఎం పదవి కోసం సీఎం సిద్దరామయ్య, డిప్యూటీ సీఎం డీకే శివకుమార్ మధ్య నెలకొన్న రాజకీయ పరిణామాల క్రమంలో సీఎం రేవంత్​రెడ్డి అధిష్టానం ఆదేశాల మేరకు అక్కడికి వెళ్లి పార్టీ ముఖ్య నేతలతో సమావేశాలు జరుపనున్నట్లు పార్టీ వర్గాలు చెప్పాయి. సీఎం రేవంత్ రెడ్డి నేడు పుట్టపర్తికి వెళ్లనున్నారు. ఉదయం పుట్టపర్తిలో ఆయన శ్రీ సత్యసాయిబాబా శత జయంతి ఉత్సవాల్లో పాల్గొంటారు.