శబరిమల బంగారం చోరీ కేసు.. 3 రాష్ట్రాల్లో ఈడీ సోదాలు
శబరిమల బంగారం చోరీ కేసులో కీలక పరిణామం చోటుచేసుకుంది. మూడు రాష్ట్రాల్లో ఏకకాలంలో 21 ప్రాంతాల్లో ఈడీ అధికారులు సోదాలు చేపట్టారు.
దిశ, వెబ్డెస్క్: శబరిమల బంగారం చోరీ కేసులో కీలక పరిణామం చోటుచేసుకుంది. మూడు రాష్ట్రాల్లో ఏకకాలంలో 21 ప్రాంతాల్లో ఈడీ అధికారులు సోదాలు చేపట్టారు. కేరళ, కర్ణాటక, తమిళనాడు రాష్ట్రాల్లో సోదాలు నిర్వహిస్తున్నట్లు ఎన్ఫోర్స్మెంట్ డైరెక్టరేట్ వెల్లడించింది. మనీలాండరింగ్ నిరోధక చట్టం (PMLA) కింద కేరళ, కర్ణాటక, తమిళనాడు అంతా దాదాపు 21 ప్రదేశాల్లో దాడులు నిర్వహిస్తున్నట్లు వివరించింది. ప్రధాన నిందితుడు ఉన్నికృష్ణన్ పొట్టి, ట్రావెన్ కోర్ దేవస్వం బోర్డు మాజీ అధ్యక్షుడు పద్మకుమార్ కు సంబంధించిన స్థలాలను ఇందులో భాగంగా ఫెడరల్ దర్యాప్తు సంస్థ కవర్ చేసినట్లు సమాచారం.
రాజకీయంగా సున్నితమైన ఈ కేసును కేరళ హైకోర్టు పర్యవేక్షణలో రాష్ట్ర ప్రత్యేక దర్యాప్తు బృందం (SIT) దర్యాప్తు చేస్తోంది. ఈ దర్యాప్తు అధికారుల దుష్ప్రవర్తన, పరిపాలనా లోపాలు, అయ్యప్ప ఆలయంలోని వివిధ కళాఖండాల నుండి బంగారాన్ని సేకరించి దుర్వినియోగం చేయడానికి జరిగిన నేరపూరిత కుట్రతో సహా వరుస అవకతవకలకు పాల్పడినట్లు అభియోగాలు నమోదయ్యాయి.
