రాష్ట్ర ఆవిర్భావ దినోత్సవం సందర్భంగా ద్రౌపది ముర్ము ప్రత్యేక సందేశం

దిశ, డైనమిక్ బ్యూరో: జూన్ 2వ తేదీన తెలంగాణ రాష్ట్ర ఆవిర్భావ దినోత్సవాన్ని (State Formation Day) పురస్కరించుకుని భారత రాష్ట్రపతి ద్రౌపది ముర్ము (Draupadi Murmu) రాష్ట్ర ప్రజలందరికీ హృదయపూర్వక శుభాకాంక్షలు తెలియజేశారు. మంగళవారం రాష్ట్రపతి భవన్ కార్యాలయం నుంచి ఈ మేరకు ఒక అధికారిక ప్రకటన విడుదలైంది. ఈ సందర్భంగా తెలంగాణ రాష్ట్ర ఘనతను, ప్రజల పనితీరును రాష్ట్రపతి కొనియాడారు. తెలంగాణ రాష్ట్రం గొప్ప సాంస్కృతిక వారసత్వ సంపదతో పాటు, కష్టపడి పనిచేసే తత్వం ఉన్న ప్రజలతో విరాజిల్లుతోందని ఆమె ప్రశంసించారు.

అభివృద్ధిలో ముందంజ

గత కొన్నేళ్లుగా తెలంగాణ రాష్ట్రం నూతన ఆవిష్కరణలు, సమగ్ర అభివృద్ధిలో గణనీయమైన పురోగతిని సాధించిందని రాష్ట్రపతి పేర్కొన్నారు. భవిష్యత్తులోనూ తెలంగాణ రాష్ట్రం మరింత ప్రగతిపథంలో పయనించాలని ఆకాంక్షించారు. రాష్ట్ర ప్రజలంతా సుఖసంతోషాలతో, ఆయురారోగ్యాలతో వర్ధిల్లాలని ఆమె మనస్ఫూర్తిగా కోరుకున్నారు. తెలంగాణ సాధించిన ప్రగతిని జాతీయ స్థాయిలో గుర్తిస్తూ, రాష్ట్రపతి చేసిన ఈ ప్రత్యేక సందేశం పట్ల రాష్ట్ర ప్రజలు హర్షం వ్యక్తం చేస్తున్నారు.

పోరాట స్ఫూర్తికి ప్రతీక తెలంగాణ.. తెలుగులో శుభాకాంక్షలు తెలిపిన ప్రధాని మోడీ, అమిత్ షా