2027 చివరికల్లా దేవాదుల ప్రాజెక్టు పూర్తి: మంత్రి ఉత్తమ్

దిశ, డైనమిక్ బ్యూరో: 2027 చివరికల్లా దేవాదుల ప్రాజెక్టును పూర్తి చేస్తామని మంత్రి ఉత్తమ్ కుమార్ రెడ్డి అన్నారు. 38.16 టీఎంసీలతో తూర్పు, ఉత్తర తెలంగాణ జిల్లాలకు నీరు అందిస్తామని 8 జిల్లాలతో పాటు కరీంగనర్ జిల్లాలో 5.57 లక్షల ఎకరాలకు సాగునీరు అందుతుదని చెప్పారు. దేవాదుల ప్రాజెక్టు పనుల పురోగతిపై మంత్రులు ఉత్తమ్ కుమార్ రెడ్డి, పొన్నం ప్రభాకర్ రెడ్డి, సీతక్క సమీక్షించారు. ప్రజాప్రతినిధులు, ఇంజినీర్లతో ఈ సమీక్ష జరిగింది. ఈ సందర్భంగా మాట్లాడిన ఉత్తమ్ కుమార్ రెడ్డి.. దేవాదుల ప్రాజెక్టుపై ఇప్పటి వరకు పెట్టిన ఖర్చు రూ. 14,422 కోట్లు అని ఇప్పటి వరకు 87.70 శాతం పనులు పూర్తయ్యాయన్నారు. మరో రూ. 3,978 కోట్లతో ప్రాజెక్టు పూర్తి చేసేందుకు ప్రణాళిక చేస్తున్నామన్నారు.