కాళేశ్వరం నివేదికపై సీఎస్ కీలక సమావేశం

దిశ, వెబ్ డెస్క్ : కాళేశ్వరం నివేదిక(Kaleshwaram Report)పై రాష్ట్ర ప్రధాన కార్యదర్శి రామకృష్ణారావు(CS Ramakrishna Rao) సచివాలయంలో కీలక సమావేశం నిర్వహించారు. ఇటీవలే కాళేశ్వరం కమిషన్ చైర్మన్ పీసీ ఘోష్(PC Ghosh) తుది నివేదికను ప్రభుత్వానికి అందజేసిన విషయం తెలిసిందే. అనంతరం సీఎం రేవంత్ రెడ్డి(CM Revanth Reddy) ఈ నివేదికను అధ్యయనం చేయడానికి ఉన్నతాధికారులతో ఓ కమిటీ ఏర్పాటు చేసారు. ఈ కమిటీ సీఎస్ రామకృష్ణారావు నేతృత్వంలో నీటిపారుదల శాఖకు చెందిన అధికారులు సభ్యులుగా ఉన్నారు.

అయితే రేపు తెలంగాణ కేబినెట్ సమావేశం(Telangana Cabinet Meeting) అయ్యి కాళేశ్వరం కమిషన్ నివేదికపై ఓ నిర్ణయం తీసుకోనున్న నేపథ్యంలో సీఎస్ కమిటీ సభ్యులతో సమావేశం నిర్వహించారు. నివేదికపై రేపు సీఎం రేవంత్ రెడ్డికి తమ రిపోర్ట్ అందించనున్నారు.